बुटवल । तीनाउ–दानव कोरिडोरपीडित संघर्ष समितिले मंगलबार बुटवलमा दबाब मुलक विरोध कार्यक्रम गरेको छ । बुटवल पुरानो बसपार्कबाट निकालिएको ¥याली बुटवल उपमहानगरपालिका परिसरमा पुगेर धर्ना सहित कोणसभामा परिणत भएको थियो ।
विरोध कार्यक्रममा सहभागीहरुले विस्थापित कोरिडरबासीको घरबार जान लागेको हुँदा आन्दोलन गर्नु परेको बताए । रुपन्देहीकै नमुना विकाससंगै तिनाउको सौन्दर्यीकरण गर्ने भन्दै तिनाउ–दानव कोरिडोरमा घर पर्नेहरुलाई खाली गर्न भनिएपछि उनीहरुले लगातार आन्दोलन गरिरहेका छन् । प्रदर्शनमा सहभागीहरुले ‘उधारोमा’ भन्दै नारा समेत लगाएका थिए । उनीहरुले आफुहरुको घरबारको ब्यवस्थापन नगरी बाटो बनाउन सुरु गर्नु गलत भएको भन्दै दुःखेसो गरे ।
संघर्ष समितिका संयोजक आत्माराम रानाले कोरिडोर निर्माणको क्रममा विस्थापित हुनेहरुलाई ब्यवस्थापन गर्न कार्यदल समेत गठन भएपनि कार्यदलले तदारुकता नदेखाएको बताए । उनले कार्यदलले सिफारिस गरेको स्थानमा संघसंस्थाहरुबाट कब्जा भइसकेको जानकारी आएपछि आफुहरुले आन्दोलन थालेको बताए । बिस्थापितहरुको माग पूरा नभए आफुहरु आन्दोलनमा उत्रने संयोजक रानाले बताए ।
संघर्ष समितिका सल्लाहकार विरेन्द्र बिकले आफुहरुको पक्षमा राजनीतिक दलहरुको साथ नरहेको बताए । विस्थापित १ हजार ६ सय घरधुरीसहित खाली जग्गासमेत गरी २ हजार १ सय घरधुरी रहेको उनले बताए ।
प्रतिक्रिया