पर्वत । नेपाल तरुण दल अध्यक्ष विद्वान गुरुङले एमाले पार्टी केपी ओली प्रालिमा परिणत भैसकेको बताएका छन् । आज पर्वतको जलजलामा आयोजित तरुण भेलालाई सम्बोधन गर्दै अध्यक्ष गुरुङले एमालेमा सिद्धान्तका कुरा उठाउनेको स्थान नभएको र मात्र केपी ओलीको प्रालि कम्पनी जस्तै बनिसकेको बताएका हुन् ।
उनले नेतृत्वको गलत कार्यको आवाज उठाउँदै गर्दा आज भिम रावल, घनश्याम भुसाल जस्ता पार्टीका बलिया नेता बहरगमित हुनपुगेको बताए । ओलीले नेपालीको भावनालाई कुल्ची रहेको आरोपसमेत उनले लगाएका छन् ।
पटक-पटक संसद विघटन गरेर ओलीले आफू महाराजा बन्ने सपना देखेर देशलाई दुर्घटनामा पार्न खोजेको आरोप लगाउँदै उनले यस पटक सत्ता गठबन्धनलाई विजयी गराउन आग्रह गरे ।
पार्टीभित्र केही असन्तुष्टि रहेता पनि मुलुकको आवश्यकताका कारण बाम लोकतान्त्रिक गठबन्धन बनेको बताउँदै उनले संविधानको रक्षा र मुलुकको विकासका लागि जनतालाई गठबन्धनको पक्षमा उभिन आग्रह गरेका छन् ।
प्रतिक्रिया