कोहलपुरमा रहेको नबिल बैंकमा आगलागी

कोहलपुर । बाँकेको कोहलपुरमा रहेको नबिल बैंकमा आगलागी भएको छ । बिहान ४ देखि ५ बजेका बीचमा आगलागी भएको प्रहरीले जनाएको छ ।

कोहलपुरको साझा चोकमा रहेको नबिल बैंकमा भएको आगलागीबाट बैंकको भौतिक सामाग्री जलेर नष्ट भएको इलाका प्रहरी कार्यालय कोहलपुरका प्रमुख डीएसपी ऐनबहादुर मल्लले जानकारी दिए । आगलागीबाट नगद रहेको ढुकुटी भने सुरक्षित रहेको उनले बताए ।

काहेलपुर र नेपालगन्जबाट आएको दमकलको सहयतामा प्रहरी र स्थानीयले आगलागी नियन्त्रणमा लिएका थिए । घरको बिच तलामा रहेको बैंकमा भएको आगलागीबाट तल्लो तलामा रहेको एटीएम पनि सुरक्षित रहेको डीएसपी मल्लले बताए । घटनामा भएको क्षतिको अनुसन्धान भइरहेको प्रहरीले जनाएको छ ।