नयाँदिल्ली । भारतमा विपक्षी कांग्रेस दलका नेता राहुल गान्धीको एउटा कार्यक्रममा नेपालको राष्ट्रिय गान बजेपछि उनलाई सत्ताधारी भारतीय जनता पार्टीका नेताहरूले आलोचना गरिरहेका छन्।
‘भारत जोडो यात्रा’ अभियान चलाएर सत्ताधारी दलको विरोधमा निस्केका गान्धी अचेल भारतको विभिन्न क्षेत्रमा पुग्दै जनतालाई सम्बोधन गरिरहेका छन्।
यसै क्रममा बुधवार महाराष्ट्र राज्यमा भएको भेलाका बेला कार्यक्रमको शुरुवातमा भारतको राष्ट्रिय गान बज्नु पर्नेमा नेपालको राष्ट्रगान बजेको बीबीसीले जनाएको छ ।
सामाजिक सञ्जालमा फैलिएको भिडिओमा गान्धीले पार्टीको कार्यक्रममा मञ्चबाट भारतको राष्ट्र गीत बजाउन अनुरोध गरेको देखिन्छ। सहयोगीले गीत बजाउँदा नेपालको राष्ट्रिय गान बज्दछ।
सुरुको धुन र पहिलो लाइन बजिसकेपछि अलमल्ल परेका गान्धीले उनका सहयोगीलाई ईशारा गर्छन्। त्यसपछि बल्ल ‘जन, गण, मन…’ बज्दछ।
उक्त घटनाको भिडिओ सामाजिक सञ्जालमा फैलिएपछि भारतीय जनता पार्टीका नेताहरूले गान्धीको आलोचना गरेका विवरणहरू भारतीय सञ्चार माध्यममा आएका छन्।
सामाजिक सञ्जालका वेबसाइटमा टिप्पणी गर्नेहरूले भारतको विपक्षी दलले महाराष्ट्र राज्यमा गरेको स्थानीय कार्यक्रममा कसरी छिमेकी देशको राष्ट्र गान बजाइनका निम्ति ठीक्क परेर राखिन पुग्यो भनेर प्रश्न पनि उठाएका छन्।
Here is the full video: 1 min of entertainment & 57 seconds of respect.
•Rahul Gandhi asked to play national SONG.
•They played national anthem of Nepal.
•They stopped and played national ANTHEM of India.
•But they were actually playing all 5 paragraphs of Jan Gan Man 😭 pic.twitter.com/V4o0nH3WxW— Facts (@BefittingFacts) November 17, 2022
प्रतिक्रिया