आयोगको परामर्श बिना मतदान स्थगित नगर्नु : निर्वाचन आयोग

काठमाडौं । निर्वाचन आयोगले साँझ ५ बजे सम्म कुनै पनि हालतमा मतदान स्थगितको सूचना प्रकाशन नगर्न देशै भरीका निर्वाचन अधिकृतहरुलाई निर्देशन दिएको छ । आयोगले गरेको संक्षिप्त पत्रकार सम्मेलनमा बोल्दै आयोग प्रवक्ता सालिकराम शर्मा पौडेलले आयोगको परामर्श बिना साँझ ५ बजे सम्म कहिँ पनि मतदान स्थगितको सूचना प्रकाशन नगर्न निर्देशन दिइएको जानकारी दिए ।

उनले केही स्थानहरुमा बाहेक देशैभर मतदान सुचारु रहेको बताए । उनले केही सामान्य घटनाबाट रोकिएको बतदान पनि सुचारु भइसकेको उनले दाबी गरे । । दलहरुसँगको बैठक गरेर आयोगको परामर्श बिना स्थगित नगरिने बताउँदै प्रवक्ता शर्माले १२ः४५ बजे सम्म ३२ प्रतिशत मतदान भएको जनाए ।

मतदाता नामावलीमा नाम छुट भएकाहरुलाई ११०२ मा रहेका कर्मचारीले सहकार्य गरिने पनि उनले बताए ।