काठमाडौं । रुकुम पश्चिमबाट बहालवाला अर्थमन्त्री एवं नेकपा माओवादी केन्द्रका उपमहासचिव जनार्दन शर्माले विजय हासिल गरेका छन् ।
शर्माले प्रतिस्पर्धी उम्मेदवारभन्दा तीन गुणा बढी मत प्राप्त गर्दै विजयी भएका हुन् ।
प्रदेशसभातर्फ पनि दुवै सिटमा क बाट महेन्द्र केसी र ख बाट राजकुमार शर्मा भारी मतका साथ विजयी भएका छन् ।
२०६३ सालमा अन्तरिम व्यवस्थापिका संसद् सदस्य बनेका शर्मा २०६४ सालमा संविधानसभा सदस्यमा निर्वाचित भएका थिए । यस्तै , २०७० को दोस्रो संविधानसभा र २०७४ को संसदीय निर्वाचनमा पनि शर्मा रुकुम पश्चिमबाट निर्वाचित भएका थिए ।
निरन्तर लाभको पदमा रहँदै आएका शर्मा २०६५ सालमा शान्ति तथा पुनर्निर्माणमन्त्री बनेका थिए भने २०७३ सालमा ऊर्जामन्त्री, २०७४ मा गृहमन्त्री र २०७८ मा अर्थमन्त्री रहेका छन् ।
प्रतिक्रिया