दाङ । नेकपा (एमाले)का महासचिव शंकर पोख्रेलले मुलुकलाई राजनीतिक स्थायित्वमा लैजाने आफ्नो प्रयास असफल भएको बताएका छन् ।
दाङ क्षेत्र नम्बर २ बाट प्रतिनिधिसभामा माओवादीका रेखा शर्मासँग पराजित भएको भोलिपल्ट पोखरेलले पत्रकार सम्मेलन गरेर उक्त प्रतिक्रिया दिएका हुन् ।
पोखरेलले आफुलाई संसदीय प्रक्रियामा आउन नदिएको जिकिर गर्दै अब पार्टी संगठन सुदृढिकणमा केन्द्रित हुने बताए । उनले भने, ‘मेरो अबको ध्यान स्थिर राजनीतितर्फ केन्द्रित हुन्छ ।’
महासचिव पोखरेलले निर्वाचनको नतिजाले देश थप अराजकता र अस्थिरतामा फस्नसक्ने सम्भावना व्यक्त गरे ।
उनले दाङका जनताले आफुले गरेको विकास र समृद्धिको कामलाई बुभ्न नसकेकोमा गुनासो गरे । ‘मैले प्रदेश राजधानी यहाँ बनाउन खेलेको भूमिका, चार लेन सडक निर्माणलगायत गरेका विकासका काम जनताले बुझेनन् ।’ उनले भने।
माओवादीका रेखा शर्माले पोखरेललाई १९६ मतान्तरले पराजित गरेकी थिइन । दाङका तीनवटै निर्वाचन क्षेत्र र ६ वटा प्रदेशसभामा एमाले निल भएको छ ।
प्रतिक्रिया