दाङ । दाङ क्षेत्र नम्बर २ को प्रतिनिधिसभा सदस्य पदमा नेकपा माओवादी केन्द्रकी रेखा शर्मा खड्का निर्वाचित भएकी छन् ।
शर्माले नेकपा एमालेका महासचिव शंकर पोखरेल १९६ मतान्तरले पराजित गरेकी हुन ।
७९ हजार ४ सय ४६ मत गणना गर्दा पूर्वमन्त्रीसमेत रहेकी रेखाले २६ हजार ८ सय ७७ मत प्राप्त गरेकी हुन ।
एमाले महासचिव शंकरले २६ हजार ६ सय ८१ मत प्राप्त गरेका थिए ।
२०७४ को निर्वाचनमा प्रदेशसभामा माओवादीसहितको गठबन्धनबाट निर्वाचित भएका पोखरेल लुम्बिनी प्रदेशका मुख्यमन्त्री रहेका थिए ।
पोखरेल २०६४ मा समानुपातिकबाट सांसद बनेका थिए । २०५१ मा पहिलो पटक सांसद बनेका पोखरेलले २०५६ मा पराजित भएका थिए ।
प्रतिक्रिया