काठमाडौँ । नेकपा माओवादी केन्द्रले प्रतिनिधिसभाको समानुपातिकतर्फ १४ सांसदको नाम निर्वाचन आयोगमा पठाएको छ । माओवादीको आज बसेको पदाधिकारीको बैठकले विभिन्न क्लस्टरबाट १४ जनाको नाम शनिबार निर्वाचन आयोगमा पेस गरेको माओवादीले जनाएको छ ।
माओवादी केन्द्रले पठाउको सूचीमा खसआर्य पुरुषमा हितराज पाण्डे, महिलातर्फ विमला सुवेदी, ज्ञानु बस्नेत सुवेदी र नारायणी शर्मा परेका छन् ।
त्यस्तै आदिवासी जनाजति महिलामा दुर्गा राई, मिना तामाङ, उर्मिला माझी पौडेल र छिरिङ ल्यामु लामा तामाङको नाम आयोगमा बुझाइएको सूचीमा परेका छन् ।
माओवादीले मधेसी महिला मिना यादव र उमरावती देवी यादव, दलित पुरुषमा रणेन्द्र बराली, महिलातर्फ सुशीला श्रीपाली ठकुरीको नाम सिफारिस गरेको छ भने थारु महिलातर्फ रुपा सोसी चौधरीको नाम आयोगमा पठाएको छ । माओवादीबाट मुस्लिम महिलामा कल्पना मियाँ समानुपातिक सांसदमा परेकी छन् ।
प्रतिक्रिया