काठमाडौं । राष्ट्रिय स्वतन्त्र पार्टी (रास्वप)को संसदीय दलको नेतामा रवि लामिछाने चयन भएकाछन् ।
सोमबार बिहान बसेको रास्वपका सांसदहरुको बैठकले पार्टी संयोजक लामिछानेलाई दलको नेतामा चयन गरेको हो ।
लामिछाने निर्विरोध चयन भएको पार्टीका सहमहामन्त्री कविन्द्र बुर्लाकोटीले जनाएका छन् ।
रास्वपले प्रतिनिधिसभामा प्रत्यक्षतर्फ ७ र समानुपातिकतर्फ १३ सिट गरी कूल २० सिटमा जित हासिल गर्दै राष्ट्रिय पार्टी बन्न सफल भएको छ ।
दलको नेता चयन भएपनि पनेता, प्रमुख सचेतक र सचेतक भने चयन हुन बाँकी छ । बाँकी पदमा पनि आजै बस्ने संसदीय दल र केन्द्रीय समितिको संयुक्त बैठकले चयन गर्ने बताइएको छ ।
प्रतिक्रिया