काठमाडौं । सत्ता गठबन्धनको बैठक सुरु भएको छ।
नयाँ सरकार गठनका विषयमा निर्णायक छलफल गर्न सत्तारुढ दलहरुबीच आज पनि बैठक बसेको हो ।
प्रधानमन्त्री निवास बालुवाटारमा बैठकमा सरकारको नेतृत्व कसले गर्ने भन्ने विषयमा सहमति खोजिने बताइएको छ । गठबन्धनको बैठक बस्नुअघि प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच वान टु वान छलफल भएको थियो।
हिजो साँझ पनि गठबन्धनको बैठक बसेको थियो । तर, पहिलो प्रधानमन्त्री को भन्ने विषयमा सहमति जुट्न नसकेपछि सो बैठक बिनानिष्कर्ष सकिएको थियो।
बैठक बस्नुअघि देउवाले आफु निकट नेताहरुसँग छलफल गरेका थिए । कांग्रेसका नेताहरुले पहिलो चरणमा माओवादीलाई सरकारको नेतृत्व गर्न दिन नहुने अडान राखेका थिए । यस्तै, आजै बिहान प्रचण्डले माओवादीका शीर्ष नेताहरुसँग छलफल गरेका थिए । उनीहरुले पनि कांग्रेसलाई राष्ट्रपति र प्रधानमन्त्री दुवै पद सँगै दिन नसक्ने अडान राख्न प्रचण्डलाई सुझाव दिएका थिए ।
प्रतिक्रिया