काठमाडौं । नयाँ सरकार निर्माणमा दावी गर्न नेकपा माओवादी केन्द्रका अध्यक्ष एवं संसदीय दलका नेता पुष्पकमल दाहाल प्रचण्ड राष्ट्रपति कार्यालय शीतल निवास पुगेका छन् ।
प्रचण्डलाई एमाले, माओवादी, रास्वपा, जसपा, राप्रपा, नागरिक उन्मुक्ति पार्टी र जनमत पार्टीले समर्थन गरेका छन् । यी सबै दलका १६६ जना सांसदसहितको समर्थन बोकेर एमाले अध्यक्ष केपीशर्मा ओलीसहित प्रचण्ड शीलत निवास पुगेकाहुन् । सरकार गठनका लागि १३८ जना सांसदको समर्थन भए बहुमत पुग्छ।
नेपालको संविधानको धारा ७६ को उपधारा २ अनुसार दुई वा दुई भन्दा बढी दलको समर्थनसहित प्रचण्डले प्रधानमन्त्रीमा दाबी पेश गर्न लागेका हुन् । बहुमत सांसदहरुको समर्थनसहित प्रचण्डलाई प्रधानमन्त्री बनाउनुपर्ने प्रस्ताव राष्ट्रपति कार्यालयमा दर्ता भैसकेको छ ।
राष्ट्रपति विद्यादेवी भण्डारीले नयाँ सरकार गठनका लागि आज साँझ ५ बजेसम्मको समय दिएकी थिइन ।
राष्ट्रपति कार्यालयबाट प्रचण्डलाई प्रधानमन्त्रीमा नियुक्त गरेको विज्ञप्ति आजै आउने बताइएको छ ।
प्रतिक्रिया