काठमाडौं । नेकपा माओवादी केन्द्रका अध्यक्ष एवं संसदीय दलका नेता पुष्पकमल दाहाल प्रचण्डले नयाँ सरकार निर्माणमा दावी पेश गरेका छन् ।
एमाले अध्यक्ष केपीशर्मा ओलीसहितका नेताहरुको साथलिएर सात दलको समर्थनसहित राष्ट्रपति कार्यालय शीतल निवास पुगेका प्रचण्डले आफुलाई समर्थन गरेका पार्टीको पत्र राष्ट्रपतिलाई बुझाएका छन् ।
प्रचण्डलाई एमाले, माओवादी, रास्वपा, जसपा, राप्रपा, नागरिक उन्मुक्ति पार्टी र जनमत पार्टीले समर्थन गरेका छन् । यी सबै दलका १६६ जना सांसदसहितको समर्थन बोकेर एमाले अध्यक्ष केपीशर्मा ओलीसहित प्रचण्ड शीलत निवास पुगेका हुन् । सरकार गठनका लागि १३८ जना सांसदको समर्थन भए बहुमत पुग्छ।
नेपालको संविधानको धारा ७६ को उपधारा २ अनुसार दुई वा दुई भन्दा बढी दलको समर्थनसहित प्रचण्डले प्रधानमन्त्रीमा दाबी पेश गरेका हुन् ।
प्रतिक्रिया