काठमाडौं । नेपाल आयल निगमले पेट्रोलियम पदार्थको मूल्य घटाएको छ ।
आइतबार राति १२ बजेबाट लागू हुने गरी निगमले पेट्रोल, डिजेल, मट्टीतेल र हवाई इन्धनको भाउ घटाएको हो।
निगमले पेट्रोल, डिजेल र मट्टीतेलमा लिटरको तीन रूपैयाँ घटाएको छ । यस्तै, हवाई इन्धन (आन्तरिक) मा २० रूपैयाँ कम गरेको छ।
नयाँ मूल्य समायोजनपछि अब काठमाडौं उपत्यकामा पेट्रोल १७५ रूपैयाँ, डिजेल र मट्टीतेल १७२ रूपैयाँ लिटर पर्नेछ।
यसअघि पेट्रोलको भाउ लिटरको १७८ र डिजेल तथा मट्टीतेलको १७५ रूपैयाँ थियो।
त्यस्तै हवाई इन्धन (आन्तरिक) को भाउ लिटरको १७० रूपैयाँ भएको छ। एलपी ग्यासको भने मूल्य घटाइएको छैन ।
निगमले यसअघिको नाफाको आधारमा मूल्य कम गरिएको जनाएको छ । यद्यपी, भारतीय आयल कर्पोरेसन ९आइओसी० ले पठाएको नयाँ मूल्यसूची अनुसार भने भाउ बढेर आएको छ ।
प्रतिक्रिया