पोखरा । नेकपा माओवादी केन्द्रका कृष्ण धिताल गण्डकी प्रदेशको सभामुखमा निर्वाचित भएका छन्।
शनिबार बसेको प्रदेशसभा बैठकमा भएको मतदानमा धितालले ३२ मत प्राप्त गर्दै निर्वाचित भएका हुन् ।
धिताललाई एमालेका २२, माओवादीका ८, राप्रपाका २ सांसदले मतदान गरे । ५८ जना सांसद उपस्थित सभामा स्वतन्त्र सांसद दीपक मनाङेले पनि धिताललाई समर्थन गरेपछि उनको पक्षमा ३२ मत परेको थियो ।
कांग्रेसको तर्फबाट सरस्वती अर्यालले पनि उम्मेदवारी दिएकी थिइन । तर, सुरुमै धिताल निर्वाचित भएपछि अर्यालको उम्मेदवारीमाथि मत विभाजन गर्नु नै परेन ।
यसअघि शुक्रबार मुख्यमन्त्री खगराज अधिकारीले विश्वासको मत लिँदा ३१ मत प्राप्त गरेका थिए ।
प्रतिक्रिया