काठमाडौं । पोखरामा भएको विमान दुर्घटनाका सम्बन्धनमा छलफल गर्न प्रधानमन्त्री प्रचण्डले डाकेको मन्त्रिपरिषदको आकस्मिक बैठक सुरु भएको छ । प्रधानमन्त्रीको सरकारी निवास बालुवाटारमा मन्त्रिपरिषदको आकस्मिक बैठक सुरु भएको हो ।
पोखरामा यती एयरलाइन्सको विमान दुर्घटना भएपछि सो विषयमा छलफल गर्न र आवश्यक उद्धार तथा राहतको विषयमा निर्णय गर्न मन्त्रिपरिषदको आकस्मिक बैठक बोलाइएको बैठकमा सहभागी एक मन्त्रीले जानकारी दिए ।
बैठकअघि प्रप्रचण्ड र उपप्रधानमन्त्री तथा गृहमन्त्री रवि लामिछानेले त्रिभुवन विमानस्थलस्थित कन्ट्रोल रुममा पुगेर विमान दुर्घटनापछिको उद्धारको अवस्थाको बारेमा जानकारी लिएका थिए । उद्दारका लागि प्रचण्डले दुर्घटनको खबर आए लगत्तै सेना, शसस्त्र र नेपाल प्रहरी परिचालन गर्न रक्षा र गृह मन्त्रालयलाई निर्देशन दिएका थिए ।
प्रतिक्रिया