सल्यान । सल्यानमा ८ वर्षिय बालकको हत्या भएको छ । सल्यानको बनगाड कुपिण्डे नगरपालिका–१० मा धारिलो हतियार प्रयोग गरी ८ वर्षीय बालकको हत्या भएको हो ।
माझकाँडाका स्थानीय २४ वर्षीय डम्बर पुरीले सोही ठाउँका ८ वर्षीय भिजन घर्तीको धारिलो हतियार (हँसिया) प्रयोग गरी हत्या गरेको प्रहरीले जनाएको छ ।
पुरीले बालकको हत्या गरेको देखेपछि स्थानीयले प्रहरीलाई खबर गरेका थिए । हत्या गर्ने पुरीलाई घटना लगत्तै नियन्त्रणमा लिइएको जिल्ला प्रहरी कार्यालय सल्यानका सूचना अधिकारी गोपालप्रसाद श्रेष्ठले जानकारी दिए ।
स्थानीयले धारिलो हतियार प्रहार गर्ने पुरी मानसिक रूपमा ठिक नभएको बताएपनि उनको स्वास्थ्य परिक्षण पछि मात्र त्यस्को पुष्टि हुने प्रहरीले बताएको छ । स्थानीयले भने पुरीले विगत केही महिनादेखि मानसिक रोगको औषधि सेवन गरिरहेको जनाएका छन् । पुरीको मानसिक अवस्था ठिक भए नभएको उनको स्वास्थ्य परीक्षण पछि मात्र थाहा हुने सूचना अधिकारी श्रेष्ठले बताए ।
प्रतिक्रिया