बुटवल । लायन्स क्लव अफ बुटवल साईनको प्रथम बार्षिक उत्सव कार्यक्रम सम्पन्न भएको छ । क्लवका अध्यक्ष ईशु देवकोटाको अध्यक्षता, लायन्स ईन्टरनेशनल ३२५ पि का डाईरेक्टर गर्भनर नवराज न्यौपानेको प्रमुख आतिथ्यतामा बार्षिक उत्सव कार्यक्रम सम्पन्न भएको हो ।
कार्यक्रममा बौल्दै प्रमुख अतिथि न्यौपानेले सानो सानो खुसी सामाजिक कार्यबाट प्राप्ती हुने भएकाले सेवा संगै सहयोगी कार्यमा अघि बढ्न सवैलाई आग्रह गरे । उनले मानिसको जिम्मेवारी समाजप्रति, राष्टप्रति समेत हुने भएकाले समाजको रुपान्तरणका लागि पनि सेवक बनेर अघि बढ्नुपर्ने सुझाव दिए ।
उनले आफुहरुले गरेको सानो सहयोगले अरुमा खुसी मिल्नुका साथै अन्यलाई सहयोगको भावना जागृत गर्ने काम भएकाले सहयोगको भावना लिएर अघि बढ्न सवैलाई आग्रह गरे ।
लायन्स ३२५ पि का प्रथम भिडिजी अर्जुमान सैंजुले क्लवले पहिलो बर्षमा गरेका सामाजिक कार्यको प्रसंस्सा गर्दै अझै बढि रचनात्मक कार्य गर्न सुझाव दिए । कार्यक्रममा लायन्स ३२५ पि का सेकेण्ड भिजी एमजिएफ पुरुषोत्तम भक्त प्रधान, लायन्स ज्ञानप्रसाद पौडेल, जमुना पाण्डे, गाईड लाइनर मोहनीलाल रिजा, सल्लाहकार दिपक पन्थी लगाएतले बोलेका थिए ।
कार्यक्रममा अध्यक्षको प्रतिबेदन प्रस्तुत गर्दै अध्यक्ष ईशु देवकोटाले क्वलले पहिलो बर्षमा धेरै सामाजिक कार्यहरु गरेको भन्दै अबका दिनमा पनि अझै बढि सामाजिक कार्य गर्ने बताईन । शिक्षा, स्वास्थ्य, सहयोग प्रदान जस्ता कार्यक्रम अहिले पनि क्लवको प्राथमिकतामा परेको बताईन । क्लव स्थापनाको बर्षमा धेरै संघर्ष गर्नुपरेको स्मरण गराउंदै उनले अहिले क्लवबाट धेरै सदस्यहरुको आत्मबल बढाउने मोटिभेसनल कार्यक्रम पनि गर्दै आएको बताईन ।
प्रतिक्रिया