काठमाडौं । प्रतिनिधिसभाको बैठक सुरु भएको छ । बैठकको सुरुमै नेपाली कांग्रेसका प्रमुख सचेतक रमेश लेखकले पोखरामा भएको विमान दुर्घटनाबारे सरकारले सदनलाई कुनै जानकारी नगराएको भन्दै आपत्ति जनाएका छन् ।
लेखकले सरकारले दुर्घनाबारे सदन, पीडित परिवार र आम जनतालाई जानकारी नगराएसम्म सदनको नियमित कारवाही अघि बढाउन नहुने जिकिर गरे ।
लेखकले आजको कार्यसूचीमा दुर्घटनाबारे कुनै उल्लेख नगरेको बताउँदै जारी बैठक स्थगित गर्न या केही समय पछि सार्न माग गरे ।
बैठकमा नेपाल मजदुर किसान पार्टीका सांसद प्रेम सुवालले प्रमुख प्रतिपक्षी दल आफ्नो पार्टी भएको दाबी गरे । उनले सरकारलाई विश्वासको मत दिने दल प्रमुख प्रतिपक्षी दल हुन नसक्ने जिकिर गरे ।
प्रतिक्रिया