बुटवल । नेपाल मगर विद्यार्थी संघको ११ औं राष्ट्रिय महाधिवेशन भोलीदेखी बुटवलमा सुरु हुने भएको छ । संघले आज बुटवलमा पत्रकार सम्मेलन गर्दै माघ ७ र ८ गते हुने महाधिवेशनको तयारी पुरा भएको जनाएको हो ।
बुटवल बहुमुखी क्याम्पसमा हुने महाधिवेशनमा देशभरका ६०१ जना प्रतिनिधि सहभागी हुने नेपाल मगर विद्यार्थी संघका अध्यक्ष बिष्णु कुमार थापा मगरले जानकारी दिए ।
उनले अहिले मगर विद्यार्थीहरु शैक्षिक सुचाङमा निकै पछाडी परेको बताउंदै विद्यार्थीको शैक्षिक गतिविधिलाई अझ अगाडि बढाउन विद्यार्थी संघले महत्वपुर्ण भुमिका निभाउनुपर्ने बताए ।
महाधिवेशनले नँया नेतृत्व समेत चयन गर्नेछ । महाधिवेशनमा केन्द्रीय समिति ५७ जना, प्रदेश समिति ४९, जिल्ला समितिबाट २०१ जना, विश्वविद्यालय समितिबाट २१ जना, आंगिक क्याम्पस समितिबाट ६४ जना, अतिथिहरु ९०, सल्लाहकार र संयोजक गरी ११९ महाधिवेशनमा सहभागी हुने अध्यक्ष मगरले बताए ।
महोत्सवमा कुल २१ लाख ४८ हजार भन्दा बढि रकम खर्च हुने आयोजकको जानाकारी दिएको छ ।
प्रतिक्रिया