काठमाडौं । चितवन क्षेत्र नं. २ मा उपचुनाव हुने भएको छ ।
प्रतिनिधिसभा निर्वाचनमा यस क्षेत्रबाट विजयी भएका उपप्रधानमन्त्री एवं गृहमन्त्री रवि लामिछानेको पद खारेज भएसँगै उपचुनाव हुने निश्चित भएको हो ।
सर्वोच्च अदालतको संवैधानिक इजलासले लामिछानेले हालसम्म प्रयोग गर्दै आएको नेपाली नागरिकतालाई अवैध ठहर गर्दै त्यसबाट भैआएका सबै कार्यलाई समेत खारेज गर्दिएको छ ।
अदालतको फैसलासँगै लामिछाने उपप्रधान एवं गृहमन्त्री भएको ३२ दिनमै उनको पद गुमेको हो । संवैधानिक इजलासले लामिछानेको नागरिकता नै नरहेको ठहर गरेपछि उनको मन्त्री पद स्वतः खारेज भएको हो ।
लामिछाने राष्ट्रिय स्वतन्त्र पार्टीका सभापति थिए । अब उनी रास्वपाको सभापतिको पद समेत गुमेको छ ।
प्रतिक्रिया