बुटवलमा चियावालाको चौथो शाखा

बुटवल । काठमाडाैंमा ३ वटा शाखा रहेको‘ चियावालाको बुटवल ट्राफिक चौकमा नयाँ शाखा बिस्तार गरिएको छ ।

बुटवल १ मा केही समय पहिला फेन्चाईज को रुपमा सुरुवात गरिएको त्यो शाखा बन्द गरेर बुटवल ट्राफिक चौकमा गणेशदेव पाण्डेकै स्वामित्वका शाखा सुरुवात गरिएको छ ।

१०० प्रकारका चिया ४० रुपैयाँ देखि ८ सय रुपैयाँको विभिन्न स्वादका चिया विक्री गर्ने सञ्चालक पाण्डेले बताए । ७० बर्षिय वुवा घनश्याम पाण्डेले सुरुवात गरेको चिया लाई मौलीक र आर्टमा जाडेर चिया पसल सुरुवात गरिएको सञ्चालक पाण्डेको भनाई छ ।

बुटवलमा सुरुवात भएको यो आउटलेटमा ७ जना भन्दा बढि महिला कर्मचारीहरुले रोजगारी पाएका छन् । चिया मात्रै विक्रि गर्दै आएको चियावाला ले अगामी दिनमा अन्य स्थानमा समेत शाखा विस्तार गर्ने योजना बनाएको छ ।