काठमाडौं । नेपाल भ्रमणमा रहेकी राजनीतिक मामिलासम्बन्धी अमेरिकी उपविदेशमन्त्री भिक्टोरिया नुल्यान्डले प्रधानमन्त्री पुष्पकमल दाहाल प्रचण्डसँग भेटवार्ता गरेकी छिन्।
आइतबार साँझ काठमाडौं आइपुगेकी नुल्यान्डले सोमबार बिहान बालुवाटार पुगेर प्रधानमन्त्री प्रचण्डसँग भेटवार्त गरेकी हुन् । भेटर्वाताको क्रममा नेपाल अमेरिका द्विपक्षीय सम्बन्ध, नेपालमा जारी अमेरिकी परियोजना लगायतका विषयमा छलफल भएको छ ।
नयाँ सरकार गठन भएपछि अमेरिकी वरिष्ठ अधिकारीको यो नै पहिलो भ्रमण हो ।
नुल्यान्डले आजै एमाले अध्यक्ष केपी शर्मा ओली, कांग्रेस सभापति शेरबहादुर देउवा, परराष्ट्रमन्त्री विमला राई पौड्याललगायतलाई भेट्ने कार्यक्रम रहेको छ ।
नुल्याण्ड ३३ वर्षदेखि अमेरिकी कूटनीतिज्ञका रुपमा कार्यरत छिन्।
प्रतिक्रिया