काठमाडौं। प्रधानमन्त्री एवं नेकपा माओवादी केन्द्रका पुष्पकमल दाहाल प्रचण्डले सत्ता समीकरण नफेरिने बताएका छन् ।
पार्टीको स्थायी समिति बैठकपछि पेरिसडाँडाबाट बाहिरिने क्रममा प्रचण्डले राष्ट्रिय स्वतन्त्र पार्टीले समथर्न फिर्ता लिने विषयमा आफुलाई विश्वास नलागेको बताउँदै हालको समीकरण नफेरिने बताएका हुन् ।
प्रचण्डले भने ‘सरकार केही हुँदैन । मैले बुझेसम्म रास्वपाले समर्थन फिर्ता पनि लिँदैन ।’
स्थायी समिति बैठकमा प्रचण्डले रास्वपाले समर्थन फिर्ता लिँदा र नलिँदाको अवस्थाबारे के हुने भन्नेमा ब्रिफिङ गरेका थिए ।
बैठकपछि संचारकर्मीसँग कुरा गर्दै उपाध्यक्ष कृष्णबहादुर महराले रास्वपाले सर्वोच्चको पूर्णपाठ आउने बेलासम्म धैर्य गर्नुपर्ने बताए । महराले एमाले अध्यक्ष केपी शर्मा ओलीले गृहमन्त्रालय रास्वपालाई दिन पूर्णपाठ कुर्न नपर्ने भन्दै दिएको अभिव्यक्तिले गठबन्धनमा फरक नपर्ने पनि बताए।
प्रतिक्रिया