सत्ता साझेदार दलको एकतालाई अझै बलियो बनाउने प्रधानमन्त्री प्रचण्डको प्रतिबद्धता

काठमाडौं । प्रधानमन्त्री पुष्पकमल दाहाल प्रचण्डले रास्वपाले सरकारबाट बाहिरिए पनि समर्थन फिर्ता नलिएको बताएका छन् । रवि लामिछाने नेतृत्वको राष्ट्रिय स्वतन्त्र पार्टीले आफ्ना मन्त्रीहरुलाई फिर्ता बोलाउने निर्णय गरेलगत्तै संघीय संसद नयाँ बानेश्वरमा पत्रकारहरुसँग कुरा गर्दै उनले सत्ता साझेदार दलहरुबीचको एकतालाई जसरी पनि जोगाउने बताएका छन् ।

उनले सत्ता साझेदार दलहरुबीचको एकतालाई जसरी पनि बचाउनुपर्ने बताए । उनले आफु राष्ट्रिय सहमतिको पक्षमा रहेको उल्लेख गर्दै सत्ता साझेदार दलको एकतालाई त अझै बलियो बनाउने आफ्नो धारणा रहेको बताए । उनले सरकारबाट बाहिरिएको रास्वपा अध्यक्ष लामिछानेसँग छिटै भेटेर सहज वातावरण बनाउने पनि बताए ।

आफुले रास्वपाको निर्णय हेर्न नपाएको बताउँदै प्रधानमन्त्री प्रचण्डले लामिछानेसँग भेटेर समस्या छिट्टै सुल्झाउने पनि दाबी गरे ।