काठमाडौं । नेकपा (एमाले)को सचिवालय बैठक आज बस्दैछ ।
बैठक दिउँसो १ बजे पार्टी अध्यक्ष अध्यक्ष केपी शर्मा ओलीको निवास गुन्डुमा बस्ने तय भएको छ। बैठकमा बैठकमा समानुपातिक निर्वाचन प्रणालीअन्तर्गत प्रतिनिधिसभाका लागि सांसद छनोट गर्ने विषयमा छलफल हुने बताइएको छ । एमालेले समानुपातिकमा १६ सिट जितेको छ।
निर्वाचनमा पराजय ब्यहोरेपछि एमालेको यो बैठक नै पहिलो बैठक हो । बैठकमा समानुपातिकतर्फबाट निर्वाचित सांसदको नाम टुङ्गो लगाउने र निर्वाचनको समीक्षा हुने एमाले केन्द्रीय कार्यालयका सचिव डा भीष्म अधिकारीले जानकारी दिए।
निर्वाचन आयोगले समानुपातिक सूचीबाट नाम छनोट गरेर बुझाउन राजनीतिक दलहरूलाई चैत १ गतेसम्मको समय दिएको थियो । यसअघि दलहरुले बुझाएको समानुपातिकको बन्द सूचीबाट कल्स्टर मिलाएर सांसदहरुको नाम छनौट गरी आयोगमा बुझाउनुपर्छ । आयोगले दलहरुले बुझाएको विवरण रुजु गरेपछि मात्र सांसदहरुलाई निर्वाचित भएको प्रमाणपत्र उपलब्ध गराउँछ ।
प्रतिक्रिया