काठमाडौं । उच्चस्तरीय राजनीतिक संयन्त्रको बैठक भोलि बस्ने भएको छ ।
प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओलीबीच आज बालकोटमा भएको भेटवार्तामा भोलि संयन्त्रको बैठक बस्ने सहमति भएको हो ।
ओलीसँग झण्डै डेढ घण्टा छलफल गरेपछि बाहिरिने क्रममा प्रधानमन्त्री प्रचण्डले दिएको जानकारी अनुसार संयन्त्रको बैठकमा राष्ट्रपतिको विषयमा छलफल हुनेछ ।
गैर सांसदको रुपमा रवि लामिछाने गृहमन्त्री बन्न नपाएको झोँकमा राष्ट्रिय स्वतन्त्र पार्टी सरकारबाट बाहरिएपछि संचालनमा देखिएको असमझदारी झन बढेको बेलामा संयन्त्र बैठक बस्न लागेको हो ।
प्रचण्डले भने, ‘उच्चस्तरीय राजनीतिक संयन्त्र बैठक बस्छौ। सहज रूपमा कसरी अगाडि बढ्ने छलफल गर्छौँ। राष्ट्रपतिको विषयमा पनि भोलि छलफल हुन्छ।’
प्रतिक्रिया