अर्घाखाँची । अर्घाखाँचीमा ट्याक्टर दुर्घटना हुँदा एकजनाकाृ मृत्यु भएको छ । अर्घाखाँची पाणिनी ८ अरबका स्थित तल्लो पङगेनीमा ट्याक्टर दुर्घटना हुँदा गैनडाँडाका १८ वर्षिय स्थानीय हुमबहादुर कुमालको मृत्यु भएको प्रहरीले जनाएको छ ।
प्रहरीका अनुसार दाउरा लिन जादै गरेको लु.२ त.९२७१ नंम्बरको ट्याक्टरको ब्रेक फेल भई आज बिहान ९ बजेको समयमा बाटोबाट अन्दाजी १५० मिटर तल खसेको थियो । चालक सहित ३ जना घायते भएकोमा चालक गैनडाँडाका स्थानीय चाम बहादुर कुमाल र शंकर बहादुर कुमाललाई उपचारको लागि पाल्पा पठाइएको प्रहरीले जानकारी दिएको छ । सोही ट्याक्टरमा सवार हुम बहादुर कुमाललाई जिल्ला अस्पताल सन्धिखर्क पठाइएकोमा उनको ११ः३० बजे उपचारका क्रममा मृत्यु भएको अर्घाखाँची प्रहरी प्रवक्ता कृष्णप्रसाद घिमिरेले बताए ।
दुर्घटनाको सम्बन्धमा आवश्यक अनुसन्धान भई रहेको समेत प्रहरीले जनाएको छ ।
प्रतिक्रिया