काठमाडौं । नेपाली कांग्रेसले माघ १६ गते जनकपुरमा गर्ने भनिएको मधेस सभा स्थगित गरेको छ।
निर्वाचन आचारसंहिता लागू भइसकेकाकारण उक्त कार्यक्रम स्थगित गरिएको कांग्रेसले जनाएको छ । कांग्रेस सभापति गगन थापासहितका नेताहरू माघ ११ गते मधेस जाने र माघ १६ गते जनकपुरमा मधेस सभा गर्ने कार्यक्रम तय भएको थियो।
निर्वाचन आयोगले फागुन ४ गतेसम्म उम्मेदवारहरूले प्रचारप्रसार, सभा–जुलुस गर्न नपाउने स्पष्ट गरेको छ ।
प्रतिनिधि सभा निर्वाचनका लागि मनोनयन दर्ताको अघिल्लो दिनदेखि नै आचारसंहिता लागू गरिएको थियो। मनोनयन दर्ता माघ ६ गते सम्पन्न भएको थियो।
मधेस सभाको नयाँ मिति पार्टीभित्र छलफलपछि तय गरिने बताइएको छ ।
कांग्रेस सभापति गगन थापा मधेशकै सर्लाही क्षेत्र नम्बर ४ बाट उम्मेदवार रहेका छन्।
प्रतिक्रिया