प्रधानमन्त्री प्रचण्ड र एमाले अध्यक्ष ओली बिहानैबाट भेटवार्तामा

काठमाडौँ । प्रधानमन्त्री पुष्पकमल दाहाल प्रचण्ड र नेकपा एमाले अध्यक्ष केपी शर्मा ओलीबीच भेटवार्ता भएको छ । प्रधानमन्त्री निवास बालुवाटारमा दुई नेताबीच भेटवार्ता भएको हो ।

दुई अध्यक्षबीच राष्ट्रपति निर्वाचनमा केन्द्रीत भएर वार्ता भइरहेको स्रोतको दाबी छ । राष्ट्रपति निर्वाचनकै विषयमा गठबन्धनका दलहरुबीच देखिएको फरक फरक धारणाका विषयमा पनि छलफल भइरहेको बताइएको छ ।

नेकपा (माओवादी केन्द्र)ले राष्ट्रपति चयनमा राष्ट्रिय सहमति हुनुपर्ने अडान लिएपछि दलहरुबीच फरक फरक धारणा आइरहेका छन् । दुई नेताबीचको आजको छलफल राष्ट्रपतिमा सहमति जुटाउने प्रयासमै केन्द्रित रहने बताइएको छ ।