पाशुपत क्षेत्रमा भारतीय साधुसन्तको भिड, विकास कोष पाशुपत क्षेत्र सिँगार्न सक्रिय (फोटोफिचर)

काठमाडौं । काठमाडौंको पशुपात क्षेत्रमा रंगरोगनको चटारोदेखि साधुसन्तको चहलपहल बढेको छ ।

यसवर्षको महाशिवरात्री आउँदो शनिबार परेकाले पशुपति क्षेत्र विकास कोषले पशुपतिनाथको मन्दिर परिसरमा साजसज्जा गरिरहेको छ ।

पाशुपत क्षेत्रमा रंगरोगन गर्नेदेखि फूलमालासहितले सजाउने कार्य भइरहेको छ ।

शिवरात्री नजिकिएसँगै भारतसहितका देशबाट साधुसन्त पाशुपत क्षेत्रमा आउने क्रम बढेको छ । पशुपत क्षेत्रमा साधुसन्तको भिडभाड बढ्न थालेको छ ।

राजाको प्रत्येक्ष शासन रहेका बेला भारतीय जोगीहरुलाई दरबारबाटै लागु औषध गाँजा जस्ता पदार्थ वितरण गर्ने गरिएपनि गणतन्त्रको स्थापना पछि भने सरकारी निकायबाट लागु औषध वितरण गर्न रोकिएको छ । गणतन्त्र आएको अर्को साल लागु औषध उपलब्ध नगराएको भन्दै भारतीय जोगीहरुले प्रदर्शन नै गरेका थिए ।