कोहलपुर । भारतको राजधानी सहर दिल्ली बाट नेपालको राजधानी सहर काठमाडौ सम्मको १०४४ किलोमीटर साइकल यात्रामा निस्किएको ७ जना साइकल यात्री आज कोहलपुर आइपुगेका छन् । कोहलपुर आइपुगेका दुई अफिसियल सहित ९ जनाको टिमलाई बाँकेको कोहलपुरमा नेपालगन्ज साइक्लिङ क्लबले स्वागत गरेको छ ।
दुई देश बीचको आपसी भाइचारा र आपसी सम्बन्ध प्रगाढ बनाउने उद्देश्य सहित नेपाल भ्रमणमा निस्केको टोलि नेपाल प्रवेश गरेको क्लबका अध्यक्ष सतिश निरौलाले जानकारी दिए ।
सो अवसरमा बोल्दै भ्रमणको आयोजक द पेडलर्स का रभिन्दर सिह ओभरायले दुई देश बीचको सम्बन्ध प्रगाढ बनाउन साइकलयात्रा शुरु गरिएको बताए ।
आयोजक टिमका जसप्रीत सिँहका अनुसार यो साइकल यात्रामा भारतका विभिन्न सहरबाट सहभागी मध्य एम्बेसडरका रूपमा कनवर गिल सहभागी छन् भने अन्य सहभागीमा मेघा जैन, विनिता शर्मा, डाक्टर मुस्तफा, डाक्टर राहुल , आसिफ मल्वासी, रबिन्दर कुमार सिँह छन् ।
२० फेब्रुअरीमा दिल्ली स्थित इन्डिया गेटबाट सुरु भएको साइकल यात्रा २५ फेब्रुअरी मा नेपालको राजधानी काठमाडौ पुगेर सम्पन्न हुनेछ ।
प्रतिक्रिया