काठमाडौं । प्रधानमन्त्री पुष्पकमल दाहाल प्रचण्ड र जनता समाजवादी पार्टीका अध्यक्ष उपेन्द्र यादवबीच भेटवार्ता भएको छ।
राष्ट्रपति निर्वाचनको मनोनयन दर्ता समय आउन डेढ दिन बाँकी छँदा प्रचण्ड र यादवबीच भेटवार्ता भएको हो । भेटवार्तामा चुनाव अघिको गठबन्धनलाई ब्युँताउने विषयमा छलफल भएको छ ।
आफुहरुले उपराष्ट्रपति पद पाए मात्र सो गठबन्धनमा सहभागी हुने शर्त राख्दै आएका यादवले भेटपछि संचारकर्मीसँग कुरा गर्दै प्रधानमन्त्री प्रचण्ड आफूहरुलाई उपराष्ट्रपति दिने विषयमा सकारात्मक रहेको बताएका छन् । यादवले भने, ‘जसपालाई उपराष्ट्रपति दिने कुरामा उहाँहरु सकारात्मक हुुनुहुन्छ ।’
आजै साँझ पुरानो गठबन्धनका शीर्ष नेताहरुबीच छलफल हुँदैछ । त्यसअघि अहिले मन्त्रिपरिषद् बैठक बसिरहेको छ ।
प्रतिक्रिया