काठमाडौँ । बिहीबार राष्ट्रपति निर्वाचनबारे सिंहदरबारमा बसेको नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको बैठक बिना निष्कर्ष स्थगित भएको छ ।
राष्ट्रपति निर्वाचनकाबारेमा विभिन्न विकल्पमा छलफल भएपनि कुनै सहमति नभए पछि बैठक निश्कर्ष ननिकाल िस्थगित भएको हो । बैठकमा सहभागी एक नेताका अनुसार भोलि पुनः बैठक बसेर सहमति गर्ने सहमति भएको छ ।
बैठकबाट बाहिरिने क्रममा सञ्चारकर्मीहरुलाई संक्षिप्त प्रतिक्रिया दिँदै प्रधानमन्त्री पुष्पकमल दाहाल प्रचण्डले राष्ट्रपतिको विषयमा एमाले अध्यक्ष केपी शर्मा ओलीसँग शुक्रबार फाइनल वार्ता गर्ने बताएका छन् ।
प्रचण्डले राष्ट्रपतिको विषयमा सबैसँग छलफल चलिरहेको भएपनि सहमति भने नजुटेको बताए । ‘छलफल चलिराख्या छ, फाइनल भइसकेको छैन । कुन दलले राष्ट्रपति पाउने भन्ने अहिले भइसकेको छैन’, उनले भने ।
उनले नेकपा ब्युँताउने वा पुरानो गठबन्धन ब्युँताउने भन्नेबारे केही टुंगो नलागेको पनि बताए ।
जसपाका नेता राजेन्द्र श्रेष्ठले शुक्रबार बिहान ८ बजे कांग्रेससहितको बैठक बस्ने सहमति भएको बताए ।
प्रतिक्रिया