काठमाडौं । नेकपा एमालेको सचिवालय बैठक सुरु भएको छ । केन्द्रीय कार्यालय च्यासलमा अध्यक्ष केपी शर्मा ओलीको अध्यक्षतामा बैठक सुरु भएको हो । बैठकले सरकार र राष्ट्रपतिको उम्मेदवारको विषयमा निर्णय लिने बताइएको छ ।
शुक्रबार साँझ बालुवाटारमा बसेको आठ दलको बैठकले राष्ट्रपतिमा कांग्रेस उम्मेदवारलाई सघाउने निर्णय गरेको थियो । यो सहमतिसँगै पुस १० मा निर्माण भएको एमाले र माओवादी केन्द्र लगायतका दलहरूको गठबन्धन भत्किएको छ ।
पुस १० गतेको सहमतिबाट प्रधानमन्त्री पुष्पकमल दाहाल प्रचण्ड पछि हटेको र राष्ट्रपतिमा कांग्रेस उम्मेदवारलाई सघाउने भएपछि एमालेका नेताहरूले असन्तुष्टि जनाएका छन् । त्यसैले शनिबारको सचिवालय बैठकले सरकारबाट बाहिरिने निर्णय लिने एक पदाधिकारीले बताए ।
राष्ट्रपतिको निर्वाचन यही फागुन २५ मा हुँदैछ । त्यसका लागि शनिबार बिहान १० बजेदेखि दिउँसो ३ बजेसम्म उम्मेदवारी दर्ता हुँदैछ ।
प्रतिक्रिया