प्रदेश-१ को नाम ‘कोशी’को पक्षमा दुईतिहाई बहुमत

विराटनगर । प्रदेश १ को नामाकरणको विषयमा प्रदेशसभा बैठकमा छलफल भैरहेको छ ।

नेकपा एमालेले प्रस्ताव गरेको कोशी प्रदेश राखियोस भनि गरिएको प्रस्तावलाई दुईतिहाई बढीले पारित गरेको छ ।

पक्षमा प्रदेशसभामा उपस्थित सांसदहरुमध्ये ८२ जनाले हात उठाएका छन् । मतदान अघि छलफलका लागि गरिएको सो प्रस्तावको विपक्षमा चार जनाले मात्र हात उठाएकाछन् ।

दुई तिहाई बढी सांसदहरुले कोशीको पक्षमा हात उठाएपछि अब अब कोशी प्रदेशको विषयमा सभामा छलफल हुने छ ।
एमालेको प्रस्तावलाई नेपाली कांग्रेसले सुरुमा लिखित समर्थन गरेको थियो । तर पछि फिर्ता लिएपनि प्रस्तावकै पक्षमा मतदान गरेको छ। यस्तै माओवादीले पनि कोशी कै पक्षमा मतदान गरेको छ ।

नेकपा एकीकृत समाजवादी र जनता समाजवादी पार्टीले राखेको किरात लिम्बुवान सगरमाथा नामको प्रस्तावमा भने अब छलफल नै नहुने भएको छ ।