काठमाडौं । आइसिसी विश्वकप लिग-२ अन्तर्गत युएई सिरिजमा नेपालले युएईबाट २०८ रनको मध्यम लक्ष्य पाएको छ । ५० ओभर नै खेलेको युएईले ८ विकेट गुमाएर २०७ रन बनाएको हो ।
युएईका लागि सबैभन्दा धेरै आसिफ खानले ७२ रनको योगदान गरे । सन्दीप लामिछानेको बलमा क्याचआउट हुनुअघि उनले ९९ बल खेलेर ७२ रन बनाएका हुन् ।
उनीपछि रोहन मुस्तफाले ७५ बलमा अविजित ५१ रन बनाएर युएईलाई उकासे । आर्यन लार्का २८ रन, चुन्दनग्यापी रिजवान २२ रन, व्रित्या अरविन्द १८, अलिसान शरफु २ रन बनाएर आउट भए ।
नेपालका लागि सन्दीप लामिछानेले सबैभन्दा बढी तीन विकेट लिए । १० ओभर नै बलिङ गरेका उनले जम्मा २७ रन दिएर तीन विकेट लिएका हुन् । यसैगरी करण केसीले एक विकेट, आसिफ शेख र कुशल मल्लले समान एक-एक विकेट लिए ।
प्रतिक्रिया