काठमाडौं । नेकपा माओवादी केन्द्र अध्यक्ष एवं प्रधानमन्त्री पुष्पकमल दाहाल प्रचण्डले सुदूरपश्चिम प्रदेशका मुख्यमन्त्री कमलबहादुर शाहलाई विश्वासको मत दिन आफ्नो पार्टीका सांसदहरुलाई निर्देशन दिएका छन् ।
अध्यक्ष प्रचण्डले सदुरपश्चिम संसदीय दलका नेता खगराज भट्टलाई फोन गरी यस्तो निर्देशन दिएका हुन् । प्रचण्डले गठबन्धन राष्ट्रिय आवश्यकता बनेका कारण यसलाई टुट्न नदिन सुदूरपश्चिम प्रदेशका मुख्यमन्त्रीलाई विश्वासको मत दिन निर्देशन दिएका हुन् ।
शनिबार बसेको माओवादी केन्द्र संसदीय दलको बैठकले यथास्थितिमा विश्वासको मत नदिने निर्णय गरेको थियो । माओवादीले सरकारको नेतृत्वमा आलोपालो र मन्त्रालयको भागवण्डा प्याकेजमा गर्नुपर्ने माग पुरा नभएसम्म विश्वासको मत दिन नसक्ने निस्कर्ष निकालेको थियो । अब प्रदेशसरकारको भागवण्डा समेत केन्द्रबाटै हुने बताइएको छ ।
मुख्यमन्त्री शाहले आज बस्ने प्रदेशसभा बैठकमा विश्वासको मत लिने कार्यक्रम रहेको छ ।
प्रतिक्रिया