बुटवल । रुपन्देहीको भैरहवाबाट गाडी (छोटाहात्ती) चोरी गर्ने २ जनालाई रुपन्देही प्रहरीले पक्राउ गरेको छ । गत १ गते सिद्धार्थ नगरपालिका ८ अन्नपूर्ण टोलमा सडक किनारमा पार्किङ गरिएको छोटाहात्ती चोर्ने कार्यमा संग्लग्न २ जनालाई प्हरीले पक्राउ गरेको हो ।
स्थानीय कुन्दन श्रेष्ठको नाममा दर्ता रहेको लु १ च ७८२२ नम्बरको छोटाहात्ती सडक किनारमा पार्किङ गरेर राखिएको अवस्थामा चोरी भएको खबर पाए लगत्तै प्रहरीले खोजतलास गर्दा गाडी सहित चोरीमा संलग्न २ जना पक्राउ परेको प्रहरीले जनाएको छ । पक्राउ पर्नेमा रुपन्देही सिद्धार्थनगर नगरपालिका वडा नं.८ बस्ने २३ वर्षिय रिवेश गुरुङ र वडा नं. ३ बस्ने २४ वर्षिय बिबेक परियार रहेका छन् ।
प्रहरीले हराएको गाडी खोजतलास गर्दै जाने क्रममा गए राती २ बजेको समयमा सिद्धार्थ नगरपालिका ९ नालन्दा स्कुल पछाडी खाली खेतमा रोकी राखेको अबस्थामा फेला परेको र सो गाडी भित्र शंकास्पद रुपमा बसिरहेका गुरुङ र परियारलाई पक्राउ गरिएको प्रहरीले जनाएको छ ।
प्रहरीका अनुसार पक्राउ परेका दुबैजनालाई अदालतबाट ५ दिनको म्याद थप गरी अनुसन्धान कार्य भईरहेको छ ।
प्रतिक्रिया