भैरहवा । कृषि ज्ञान केन्द्र रुपन्देहीको आयोजनामा बिउ बिजन उत्पादन, प्रमाणीकरण, तथा बिक्री वितरण सम्बन्धी तालिम दिने भएको छ । सोमबार एक कार्यक्रमको आयोजना गरी तालिम सम्बन्धी जानकारी दिइएको हो ।
रुपन्देही जिल्लाका विभिन्न गाउँपालिका तथा नगरपालिकाका एग्रोभेट सञ्चालक जे।टि।ए अध्ययनरत विद्यार्थीहरुलाई कृषिमा आवश्यक पर्ने बिउ बिजन उत्पादन गुणस्तरीयताबारे जानकारी दिनका लागि कार्यक्रमको आयोजना गरिएको हो । तालिम यही चैत्र ८ देखि ११ गते सम्म रहने आयोजकले जनाएको छ ।
उदघाटन सत्रमा बोल्दै कार्यक्रमका प्रमुख अतिथि एवं जिल्ला समन्वय समितिका अध्यक्ष उमाकान्त चापागाईले रुपन्देही जिल्ला कृषिको हब भएको बताउँदै तालिम पश्चात पाईने प्रमाण-पत्र किशानहरुलाई गुणस्तरीय बिउ बिजन उपलब्ध गराउन आग्रह गरे । उनले भने ‘किसानको मर्म बुझेर काम गर्न सके भने सफलता पाउन सकिन्छ ।’
कार्यक्रमका अध्यक्ष कृषि ज्ञान केन्द्र रुपन्देहीका प्रमुख सन्देश धितालले बिउ बिजनको गुणस्तरको अवस्था, बाली सम्बन्धी सम्पूर्ण जानकारी बिउ बिजन उत्पादन गर्न उपयुक्त साधनको विषयमा सहभागीहरुलाई जानकारी गराई दक्ष जनशक्ति उत्पादन गर्न सकिने बताए ।
कार्यक्रममा निमित्त प्रमुख शालिग्राम पौडेल, कृषि विकास निर्देशनालयका हरि प्रसाद पण्डित रोशन बस्नेत र करिव १०० प्रशिक्षर्थीहरुको सहभागिता रहेको कार्यक्रमको संचालन कृषि प्रवक्ता अनिल कानु बानियाले गरेका थिए ।
प्रतिक्रिया