काठमाडौं । भारतका प्रधानमन्त्री नरेन्द्र मोदीसहित सबै मोदी थरका मानिसलाई ‘चोर भनेको अभियोगमा भारतको एक स्थानीय अदालतले कांग्रेस नेता राहुल गान्धीलाई २ वर्षको जेल सजायँ तोकेको छ ।
सुरतको अदालतले गान्धीलाई एक महिनाभित्र माथिल्लो अदालतमा पुनरावेदन गर्न समय पनि दिएको छ । यद्यपी, गान्धीले तत्कालै जमानत विल पाएका छन् ।
गान्धीले ‘सबै चोरहरु, चाहे ऊ निरभ मोदी होस्, ललित मोदी हो वा नरेन्द्र मोदी हो, सबैको थर किन मोदी भयो ?’ भन्दै टिप्पणी गरेका थिए । तर, गान्धीको यो टिप्पणी अहिलेको नभएर ४ वर्ष पुरानो थियो ।
वायनाड क्षेत्रका सांसद गान्धीले सन् २०१९ मा लोससभा चुनावको समयमा कर्नाटकको कोलारमा यस्तो बयान दिएका थिए ।
अदालतले फैसला गर्ने क्रममा गान्धी स्वयं उपस्थित थिए । गान्धीले आफुले कसैलाई व्यक्तिगत टिप्पणी गर्न नचाहको प्रतिक्रिया दिएका छन् ।
प्रतिक्रिया