काठमाडौं । पाकिस्तानको राष्ट्रिय दिवसको पूर्वसन्ध्यामा नेपालस्थित पाकिस्तानी दूतावासले झडोत्तोलन गरेको छ ।
नेपालस्थित पाकिस्तानी नागरिकहरुको उपस्थितिमा दूतावासपरिसरमा कार्यबहाक राजदूत उमेर अलीले राष्ट्रिय झण्डा फहराएर दिवसको स्मरण गरेका छन् ।
त्यसअवसरमा पाकिस्तानका राष्ट्रपति र प्रधानमन्त्रीका सन्देश पढेर सुनाइएको थियो ।
कार्यबहाक राजदूत अलिले त्यसअवसरमा बोल्दै सन् १९४० मा मुस्लिमहरूले आफू र आफ्ना भावी पुस्ताका लागि छुट्टै मातृभूमि निर्माण गर्न गरको संकल्पको स्मरण गरे । उनले पुर्खाहरूले परिकल्पना गरेको पाकिस्तानलाई समृद्ध मुलुक बनाउने प्रतिबद्धतालाई पुनः पुष्टी गर्नुपर्ने आवश्यकतालाई जोड दिए।
झण्डा फहराउने कार्यक्रममा नेपालस्थित पाकिस्तानी समुदायका सदस्य र दूतावासका अधिकारीहरुको सहभागिता रहेको थियो ।
प्रतिक्रिया