काठमाडौं। नेकपा माओवादी केन्द्रका नेता एवं गत निर्वाचनमा बारा क्षेत्र नं. २ का उम्मेदवार शिवचन्द्र प्रसाद कुशवाहाले पार्टी परित्याग गरेका छन् ।
काठमाडौंमा बुधबार पत्रकार सम्मेलन गर्दै कुशवहाले माओवादी केन्द्र परित्याग गरेको घोषणा गर्दै जनमत पार्टीमा प्रवेश गरेका छन् ।
शवहा गत मंसिरमा भएको प्रतिनिधिसभा निर्वाचनमा बारा–२ मा जसपाका उम्मेदवार रामसहायप्रसाद यादवसँग ३५४ मत अन्तरले पराजित भएका थिए । उनी बैशाख १० गते हुने उपनिर्वाचनमा माओवादीको तर्फबाट मुख्य दाबेदार थिए ।
माओवादीले सो क्षेत्र जसपाकै अध्यक्ष उपेन्द्र यादवलाई दिने देखेपछि उनी पार्टीबाट बाहिरिएका हुन् । उनले माओवादी केन्द्रभित्र आफूविरुद्ध जालझेल भएको र राजनीतिक करियर समाप्त पार्ने षड्यन्त्र भएको पत्रकार सम्मेलनमा बताए ।
उपनिर्वाचनमा कुशवाहाले अब जनमत पार्टीबाट उम्मेदवारी दिने तयारी गरेका छन् ।
प्रतिक्रिया