बुटवल । नेपाल विद्युत प्राधिकरण राष्ट्रिय कर्मचारी युनियनको प्रदेश स्तरीय भेला तथा अन्तरक्रिया कार्यक्रम बुटवलमा सम्पन्न भएको छ ।
शनिबार अयोजित युनियनको प्रदेश स्तरीय भेला तथा नेपाल विद्युत प्राधिकरणको वर्तमान अवस्था, चुनौती र युनियनको भूमिका विषयक अन्तरक्रिया कार्यक्रम सम्पन्न भएको हो ।
अन्तरक्रिया बोल्दै नेपाल विद्युत प्राधिकरण राष्ट्रिय कर्मचारी युनियनका अध्यक्ष रामेश्वर प्रसाद पौडेलले ठूला विद्युत परियोजनाहरुमा नेपाली जनता तथा सरकारको लगानी हुनुपर्नेमा जोड दिएका छन् ।
अधिकांश ठूला परियोजनाहरुमा विदेशी कम्पनीहरुको लागनी रहेको बताउँदै उनले ती आयोजनाहरुमा नेपाली जनताका लागि पनि सेयर निस्कासन गर्नुपर्नेमा जोड दिए ।
विद्युत प्राधिकरणमा आवद्ध कर्मचारीहरुलाई ठूला परियोजनाहरुमा सेयर लगानीको अधिकार प्रदान गर्नुपर्ने बताउँदै उनले नेपाल सरकार र सबै नेपाली जनताहरुले ठूला परियोजनाहरुमा सेयर लगानी गर्न पाउने वातावरणको निर्माण गर्नुपर्नेमा जोड दिएका हुन् ।
हाल रुग्ण, न्यून क्षमता भएका आयोजनाहरु मात्रै विद्युत प्राधिकरणको स्वामित्वमा रहेको बताउँदै ठूला सबै परियोजनाहरुमा विदेशी बहुराष्ट्रिय कम्पनीको स्वामित्व रहनु मुलुकका लागि राम्रो नभएको उल्लेख गरे ।
फरक प्रसङ्गमा अध्यक्ष पौडेलले प्राधिकरण सम्बद्ध कर्मचारीहरुको सेवा सुविधाहरु कुण्ठित हुँदै गएको गुनासो गरे । विद्युत प्राधिकरणले सफलता प्राप्त गर्दै जाँदा केही व्यक्ति र हाकिमहरु मात्रै सेलिब्रेटीका रुपमा परिचित हुने तर भुँइतहमा काम गर्ने कर्मचारीका समस्या बारे गम्भिर नहुने समस्या रहेको उनले बताए ।
यसैगरी बजेटको विनियोजन वैज्ञानिक हुन नसक्दा चाहेको सेवा सुविधा उपलब्ध गराउन नसकिएको उनले बताए । भौगोलिक विकटता, पूर्वाधारको अवस्था लगायतका कुराहरुलाई नबुझी हचुवाका भरमा बजेट विनियोजन गर्दा कार्यान्वयनमा समस्या देखिएको बताए ।
नेपाल विद्युत प्राधिकरण लुम्बिनी प्रदेश कार्यालयका निर्देशक नवराज वझाले विद्युत सेवालाई थप गुणस्तरीय बनाउने तथा चुहावट नियन्त्रणमा पूर्व प्रतिवद्ध भएको उल्लेख गरे ।
प्राधिकरणमा आवद्ध कर्मचारीहरुका कतिपय समस्याहरु समाधान हुनुपर्छ भन्ने पक्षमा आफू पनि रहेको उनले उल्लेख गरे । नेपाल विद्युत प्राधिकरण राष्ट्रिय कर्मचारी युनियनका लुम्बिनी प्रदेश अध्यक्ष टेक बहादुर बुढाले सवा प्रभाव छिटो छरिटो हुनु पर्नेमा जोड दिए ।
यसैगरी विद्युत प्राधिकरणका कार्यालय प्रमुखहरु जिम्मेवार रहन सुझाब दिए । राजनीतिक हस्तक्षपका कारण प्राधिकरणमा प्रयाप्त सुधार गर्न अझै पनि बाँकी रहेको बताउँदै उनले यसभित्र निस्पकक्ष र राजनीतिक पूर्वाग्रह विनाको ट्रेड युनियनको खाँचौ औल्याए ।
प्रतिक्रिया