बुटवल । रुपन्देही र यस आसपासमा उत्कृष्ठ सेवा दिँदै आएको ड्रिमल्याण्ड गोल्ड रिर्सोट एण्ड होटल प्रालीले आफ्नो स्थापनाको १३ बार्षिक उत्सव मनाएको छ । वार्षिक उत्सवका अवसरमा बिभिन्न कार्यक्रम सहित होटलका कर्मठ कर्मचारीहरुलाई सममान समेत गरिएको छ ।
वार्षिक उत्सव समारोहमा बोल्दै होटलका अध्यक्ष गोपाल रानाले ड्रिम ग्रुपले देशका सात वटै प्रदेश राजधानीमा नयाँ आउटलेट खोल्ने योजना बनाएको घोषणा गरे । उनले रूपन्देहीमा स्थापनाभई होटल व्यवसायमा चेन विजनेशको सुरुवात गरेको ड्रिम ग्रुपले आउटलेट खोल्ने योजना अभियानकै रूपमा अगाडी बढ्ने बताए । अहिलेको विषम परिस्थतिको कारण केही समय ढिला भएपनि अभियानबाट अव नरोकिने उनले बताए ।
कार्यक्रममा अध्यक्ष रानाले १३ औ बर्षिक उत्सवको अवसरमा केक काटेर सेलिब्रेसन गरेका थिए । वार्षिक उत्सव कार्यक्रममा रिर्सोटमा कार्यरत कर्मचारीहरू मध्ये विभिन्न विधामा कार्यरत १८ जना कर्मचारीहरूलाई सम्मान सहित प्रमाणपत्र वितरण गरिएको थियो ।
हाल ड्रिम ग्रुप अन्तर्गत ड्रिमल्याण्ड गोल्ड रिर्सोट मणिग्राम र बुटवलमा बुटिक होटलको रूपमा ड्रिम ईन्टरनेशनल होटल सञ्चालनमा रहेको छ ।
कार्यक्रममा सञ्चालक विष्णु बहादुर थापा, सञ्चालक गिता थापा, ड्रिमल्याण्ड गोल्ड रिर्सोट एण्ड होटलका जनरल म्यानेजर लक्ष्मण खड्का सहित होटलका कर्मचारीहरुको सहभागीता रहेको थियो ।
प्रतिक्रिया