रवि लामिछानेको राहदानी विवादमा मुद्दा नचलाउने महान्यायाधिवक्ताको निर्णय विरुद्ध सर्वोच्चमा रिट दर्ता

काठमाडौं । राष्ट्रिय स्वतन्त्र पार्टीका सभापति रवि लामिछानेमाथि मुद्दा नचलाउने महान्यायाधिवक्ता कार्यलयको निर्णय विरुद्ध सर्वोच्च अदालतमा दाय रिट दर्ता भएको छ ।

लामिछानेको राहदानी विवादमा मुद्दा नचलाउने महान्यायाधिवक्ताको निर्णयविरूद्ध युवराज सफलले हिजो दायर गरेको रिट आज सर्वोच्चले दर्ता गरेको हो । रिटमाथि भोलि मंगलबार प्रारम्भिक सुनुवाइ हुने भएको छ ।

रास्वपा सभापति लामिछानेले आजै मात्र चितवन क्षेत्र नम्बर २ मा हुन लागेको उपनिर्वाचनका लागि उम्मेदवारी दर्ता गराएका छन्।

महान्यायाधिवक्त दिनमणि पोखरेलले यही चैत ६ गते लामिछाने विरुद्ध मुद्दा अघि बढाउन नपर्ने निर्णय गरेका थिए । त्यसअघि जिल्ला सरकारी वकिलको कार्यालय काठमाडौं र उच्च सरकारी वकिलको कार्यालय पाटनले पनि लामिछानेविरूद्ध मुद्दा चलाउन आवश्यक नभएको प्रतिवेदन महान्यायाधिवक्ता कार्यालयमा बुझाएका थिए।