काठमाडौं । क्याटलान क्लब बार्सिलोनालाई हराउँदै स्पेनिस क्लब रियल मड्रिड कोपा डेल रे फुटबलको फाइनलमा प्रवेश गरेको छ ।
बुधबार राति भएको दोस्रो लेगमा ४-० तथा समग्रमा ४-१ को जित निकाल्दै रियलले फाइनलमा स्थान पक्का गरेको हो ।
बुधबार रातिको खेलमा करिम बेन्जिमाले ह्याट्रिक गरेपछि रियलले बार्सिलोनामाथि ४-० को जित निकाल्यो । पहिलो लेगमा भने बार्सिलोना १-० ले विजयी भएको थियो ।
पहिलो हाफको इन्जुरी समयमा भिनिसियस जुनियरले गोल गर्दै रियललाई सुरुआती अग्रता दिलाएका थिए। ५०औं करिम बेन्जिमाले गोल गर्दै रियललाई २-० को अग्रतामा पुर्याए ।
खेलको ५८ औं मिनेटमा बेन्जिमाले पेनाल्टीमार्फत् दोस्रो गोल गरे । यस्तै, खेलको ८० औं मिनेटमा बेन्जिमाले ह्याट्रिक पूरा गर्दा रियल ४-० ले विजयी भयो ।
कोपा डेल रेको उपाधिका लागि अब रियलले ओसासुनासँग प्रतिस्पर्धा गर्नेछ। फाइनल मे ६ मा हुनेछ ।
प्रतिक्रिया