लमजुङ । प्रधानमन्त्री कृषि आधुनिकरण परियोजना, परियोजना कार्यान्वयन एकाई लमजुङ मनाङको आयोजनामा मौरी पालन सम्वन्धी क्षमता अभिवृद्धि तालिम सुरू भएको छ ।
सदरमुकाम बेंसीसहरमा शुक्रबारदेखि सुरू भएको तालिममा जिल्लाका मौरी जोन कमान्ड क्षेत्रका मौरी पालक कृषक तथा स्रोत केन्द्रहरूमा कार्यरत ब्यक्तिहरूको सहभागिता छ ।
मौरी जोन कमान्ड क्षेत्र भित्र पर्ने बेसीसहर, सुन्दरबजार, मध्यनेपाल, दोर्दी, दुधपोखरी र क्व्होँलासोंथर गाउँपालिकाका गरि ३० जना सहभागी छन् ।
सहभागीलाई कार्यालय प्रमुख अजय अधिकारी, पुर्व कार्यालय प्रमुख दीपक अधिकारी, कृषि अधिकृत हरि मिजार, जोन सञ्चालक समितिका संयोजक केशबहादुर गुरूङ, सचिव वेनबहादुर गुरूङ, मौरी उद्दमी मीनबहादुर गुरूङ, परियोजनाका नायव प्राविधिक सहायक बुद्वीलाल आलेले प्रशिक्षण दिएका छन् ।
तालिममा सहभागीलाई प्रयोगात्मक सिकाईसहित मौरी पालनमा आवस्यक सामाग्री पनि वितरण गरिने कृषि अधिकृत हरि मिजारले बताए ।
तालिमको उद्घाटन गर्दै जिल्ला समन्वय समितिका प्रमुख पुर्णबहादुर गुरूङले मौरी पालनलाई ब्यवसायिक बनाउँदै आर्थिक उन्नतिमा लाग्न किसानहरूलाई आग्रह गरे ।
प्रतिक्रिया