काठमाडौं । काठमाडौंमा संचालनमा रहेका संस्थागत विद्यालयहरुले आफै किताव बेच्ने तथा विद्यालयले तोकेकै स्थानबाट पोशाक किन्न बाध्य बनाउने गरेको भन्दै काठमाडौं महानगरले त्यस्ता कार्य गर्ने विद्यालय विरुद्ध ‘एक्सन’ लिने भएको छ ।
विद्यालय आफैँले किताब बेच्ने गरेको र पोसाकसमेत सम्बन्धित ठाउँबाट नै किन्नु भनेर अभिभावकलाई बाध्य गराएको गुनासो पटक पटक आइरहेको भन्दै महानगरले त्यस्ता कदम विरुद्ध ‘एक्सन’ सुरु गरेको हो ।
विद्यालयको सो कार्य संस्थागत विद्यालय मापदण्ड तथा सञ्चालन निर्देशिका २०६९ अनुसार दण्डनीय भएको विद्यालयहरुलाई महानगरले स्मरण गराएको छ । महानगरले एक सूचना प्रकाशित गर्दै सम्पुर्ण विद्यालयहरुलाई संस्थागत विद्यालय मापदण्ड तथा सञ्चालन निर्देशिका २०६९ अनुसार कार्य गर्न गराउन निर्देशन समेत दिएको छ
महानगरले निर्देशिका विपरित गरेको पाइए कारवाही गर्ने त्यसको जवाफदेही विद्यालयका प्रिन्सिपल हुने समेत चेतावनी दिएको छ ।
प्रतिक्रिया