‘लोक दोहोरी गीतप्रतिको महत्व र गरिमालाई बचाइराख्न चिन्तन गर्नुपर्ने बेला आयो’

बुटवल । लोक तथा दोहोरी गीतप्रतिको महत्व र गरिमालाई कायम राख्नका लागि चिन्तन गर्नुपर्ने बेला आएको यस क्षेत्रमा आवद्ध कलाकार तथा सर्जकहरुले जोड दिएका छन् ।

लोक संस्कृतिको माध्यमबाट समाजलाई दिने सन्देश र नयाँ पुस्तालाई यसको महत्व कायम राख्दै संस्कृति हस्तान्तरण गर्नका लागि सबैले सचेत र गम्भीर भएर सोच्नु पर्ने बेला आएको उनीहरुले बताएका छन् ।

राष्ट्रि लोक तथा दोहोरी गीत प्रतिष्ठान रुपन्देहीले बुटवलमा आयोजना गरेको कार्यक्रममा बोल्दै प्रतिष्ठानका केन्द्रीय सल्लाहकार खेम हमालले चर्चा कमाउने र भाइरल हुने नाममा भद्दा शब्द र शैलीको प्रयोगले लोग गीतप्रति हेर्ने दृष्टिकोण फरक हुँदै गएकोप्रति चिन्ता व्यक्त गरे ।

नयाँ वर्ष २०८० को अवसरमा शुभकामना आदान प्रदान तथा क्यालेन्डर बिमोचनका अवसरमा बोल्दै उनले लोक संस्कृतीको जगेर्ना गर्ने काम लोक दोहोरी गायक तथा यसका शुभेक्षुकहरुको भएको बताए । लोक दोहोरीमा पछिल्लो समय अनुशासन तथा संस्कारहरु हराउँदै गएकोप्रति चिन्ता व्यक्त गर्दे यसको सुधार गर्न आवश्यक रहेको बताए । ‘कला मृत्यूपछिको जीवन’ भएकाले नागरिकलाई मनोरञ्जनका माध्यमबाट परिवर्तनको बाटोमा हिँडाउन सकिने उनले बताए ।

कार्यक्रममा लोक दोहोरी प्रतिष्ठान नेपालका लुम्बिनी प्रदेश अध्यक्ष दिपु मगरले प्रदेशका सबै जिल्लामा बिभीन्न कार्यक्रम गरी लोक दोहोरीको महीमा बारे जानकारी गराउँदै सबैलाई संगठित गराउने बए । यसैगरी दिप बोर्डिङका प्राचार्य टिकाराम न्यौपाने, सल्लाहकार प्रेम घर्ती मगर, संस्थाका कलाकार दुर्ग पौडेल लगायतले बोल्दै लोक दोहोरी जनताको सुसेली भएको बताए ।

कार्यक्रममा कलाकार बिष्णु सिँजाली र दुर्गा पौडेलले गित प्रस्तुत गरेका थिए । सोही अवसरमा अग्रज कलाकार डिला गाहा, तौमाया थापा मगर, चेतन ढकाल र राम पाण्डेलाई सम्मान गरिएको थियो ।

कार्यक्रम संस्थाका अधयक्ष विजय सापकोटाको अध्यक्षता तथा प्रथम उपाध्यक्ष रितु थापाको स्वागत तथा सचिब बिधान कार्कीको संचालनमा सम्पन्न भएको थियो ।